【客席情人２０１６】（04-06）

咁。

仲有呀，阵间到横琴，过咗澳门关，中间隔条高速公路，唔畀行过去嘅，一定要搭车，先到珠海关？。

而家点几钟啦，你好彩嘅话就搭到白牌的士，一程过，车到你过关兼出市区，不过你预咗要被劏一笔，几旧水人仔咁啦。

（？？哥哥呀，我身上先得三百蚊港纸，同八十蚊人仔咋。

咁系咪唔使旨意过到关？我已经开始好攰，好眼瞓，而家，仲有些少淆底。

）可能性低啲咁啦，我唔敢讲完全无可能嘅。

」司机哥仔继续用半夜电台讲鬼故节目嘅声线腔调同我解释，一路过桥：「呵，呢条桥，窄呀哩、恐怖呀哩？大巴唔过得，只准车仔过？，呢度一年都死三四十个嘅。

（点解？）交通意外啰，啲电单车畀车撞到飞出个海度啰。

？？」最后，个錶跳到二百零二蚊，「好喇，齐头二百得喇，祝你好运呀下。

」然后架的士以风驰电掣之势开走咗，眨眼间已经不知所踪；眼前迎接我嘅正是凌晨两点嘅「雨夜横琴」、几个彪形大汉，仲有一只唔使缆绳自由奔放嘅黑狗。

睡意压抑住惧意，我来回踱步，怀疑紧眼前系咪正确嘅入口之际：一架大旅游巴到达。

十零廿个操普通话嘅大妈大叔，拖住一箱箱行李，跟住领队嘅指挥，向我嘅方向行嚟。

呢个时候，我「跟队」「带头」行入过境大堂，不过佢哋集体行动，好慢，我唯有想像自己系外交官般嘅特别贵宾，独个享受既方便又快捷嘅过关服务，直至过咗第重澳门关，穿到大堂另一端，准备「过桥」去珠海关。

四、五个彪形大汉挨住一架黑色私家车，向我索价三百人仔车我到珠海市区－但就算有钱，我都唔敢、唔舍得上车喇；我转而探问「旅行团」领队同旅游巴司机，泪眼汪汪咁求佢好心载我一程。

「小妹妹，算你好彩喇，我咁啱住呢头顺路咋。

仲有班去台湾嘅旅行团，飞机delay咗成两三个钟，又有个团友话唔见咗证件，响关口搞咗成个钟，成村人等埋佢先行；如果唔系你都撞唔到我哋呀。

」我到男朋友住嗰幢大厦嘅时候，已经成三点钟。

我静静用佢畀我嘅后备门匙开门入屋，一入去就听见男朋友喺床度瞓得好林喇。

我拖住疲倦嘅身躯去沖个快凉，然后静静打开房门，用最轻嘅脚步行近张床，点知突然间－「（受惊高呼）边个？」男朋友以为我系嚟老笠嘅贼，竟然快到即刻弹起身，推我埋墙、捂住我口，仲攞咗把坚嘅刀仔（后记：听讲喺大陆住治安好差，

本章未完，请点击下一页继续阅读！ 第6页 / 共9页