（03-04）

衫同帮佢温习，吴生，我同志仔一样都觉得你真係好叻呀!」

我个电话又响起，係客人打电话比我问有无新租盘可以介绍，但此刻陈老师听倒我对话之后，心下即时谂起正想搬屋逃避前度男友呀俊事。

我收线后，陈老师跟住就编左个故事黎同我讲，「吴生原来係做地产经纪架，咁啱嘞，我同妈咪而家住紧果度，个业主话响下个月租约到期之后就会大幅加我地租，而家我正留意紧其他区有无啲比较平租啲屋可以搬，係呢吴生，唔知你可唔可以帮倒我咁呢?」

我问左陈老师而家佢住响边、屋面积同交紧几多钱租，跟住我就取个平板电脑出黎check完之后就话。

「我有个客，佢长期留响外地但就有几间屋摆低左比我负责帮佢管理同放租，咁啱其中一间屋上星期个租客就搬走左，租金方面我可以同个业主倾唔好收得咁贵，唔知陈老师有无兴趣而家上去睇下间屋咁呢?」

陈老师听到之后，即时好开心咁点左一下头就嗌好。

我驾车同陈老师去到呢个租盘大厦楼下度，上左楼后，跟住我同陈老师就入左呢间四百零呎而装修得好简约两房单位之内，陈老师似乎几锺意呢间屋咁，见佢不时望下房内间隔，一时就欣赏住窗外美景。

陈老师笑住同我讲，「间屋其实我都几锺意，但至于租金方面……」我同陈老师讲租金方面我可以尽量帮佢同业主叫低啲，而其实响心入面我亦希望真正能够帮倒陈老师佢，我即时p比个业主同佢倾谈租金方面问题，好快趣，个业主亦答应我能够以低过市价黎将呢间屋租比陈老师。